လိင်တူချင်းတပ်မက်မှု

မိစ္ဆာဓမ္မ = လိင်တူချင်းတပ်မက်မှု

ခုတလော လိုင်းပေါ်မှာ ဒီကိစ္စနဲ့ပက်သက်ပြီး နာမည်ကြီး လူပြောများလာတာကြောင့် ၊ လာပြီးတော့လည်း မေးကြတာကြောင့် ဘာသာရေးရှုထောင့်ကနေပြီး နည်းနည်းလောက်တော့ ရေးဦးမယ်စိတ်ကူးပြီး ရေးလိုက်ပါတယ် ။

မိစ္ဆာဓမ္မ - မှားယွင်းဖောက်ပြန်သော အကျင့်တရား
( တိပိအဘိဓာန်)
(တနည်း) ယောကျာ်း ယောကျာ်းချင်း ၊ မိန်းမ မိန်းမချင်းတပ်မက်နှစ်သက်မှု ( ပါထိကဝဂ္ဂအဋ္ဌကထာ)
(တနည်း) မှားယွင်းဖောက်ပြန်သော ဆန့်ကျင့်ဘက်ဝတ္ထုမဟုတ်သော လိင်တူချင်းဖြစ်သောဝတ္ထုကို တပ်မက်တတ်သော လောဘတရား ( ပါထိကဝဂ္ဂဋီကာ)
( တနည်း ) မှီဝဲသင့်မှီဝဲအပ်သည့်ဝတ္ထုမဟုတ်သည်ကို မှီဝဲခြင်းဟုဆိုအပ်သော မှားယွင်းမှု ( အဂုင်္တ္တိရ်အဋ္ဌကထာ)

မိစ္ဆာဓမ္မနဲ့ပက်သက်ပြီး သုတ်ပါထေယျပါဠိတော် စက္ကဝတ္တိသုတ်နဲ့ အဂုင်္တ္တိုရ် တိကနိပါတ်ပါဠိတော် ပလောကသုတ် တို့ကို ရှုပြီး လောကကြီးမှာ လူတွေ သက်တမ်းတွေ ဆုတ်ယုတ်လာကြရတာ ရုပ်ရည်အဆင်းတွေ ဆုတ်ယုတ်လာကြရတာတွေဟာ ဘာကြောင့်လဲဆိုရင် အစဉ်အတိုင်းအားဖြင့် အတိုးချုံးပြီးပြောမယ်ဆိုရင်ပေါ့လေ

ရှေးယခင်က လူတွေဟာ သက်တမ်း ရှစ်သောင်းထိရှည်ကြပါတယ် ၊ အဲ့ဒီလို သက်တမ်းရှည်တဲ့သူတွေခေတ်မှာ မင်းအဆက်ဆက်အုပ်ချုပ်ပုံကောင်းလို့ တိုင်းသူပြည်သားတွေကို စောင့်ရှောက်ကြတဲ့အခါ ဒုစရိုက်မှု အကုသိုလ်အစုတွေကင်းပြီး ချမ်းသာမြဲ ချမ်းသာကြ အသက်ရှည်မြဲရှည်ကြ အဆင်းလှမြဲ လှကြတယ် ။

အုပ်ချုပ်တဲ့မင်း မကောင်းတဲ့အခါကြတော့ ဘာဖြစ်သလဲဆိုရင် ဆင်းရဲတဲ့သူတွေကို သင့်တင့်မျှတအောင် ဥစ္စာစည်းစိမ်မပေးဘူး ၊ မပေးတော့ ဆင်းရဲ ၊ ဆင်းရဲတော့ ဆင်းရဲခြင်းရဲ့ဒဏ်ကို မခံနိုင်လို့ အဒိန္နာဒါနခေါ်တဲ့ ခိုးမှု ဒုစရိုက်ပေါ်ပေါက်လာတယ် ၊ စပေါ်ကာစမှာတော့ ခိုးတဲ့သူကို ဘာကြောင့်ခိုးရတာလဲသိတော့ ပြစ်ဒဏ်မပေးပဲ ဥစ္စာပေးပြီး ပြန်လွှတ်တယ် ၊ ဒီလိုလုပ်တယ်ဆိုတာ သိတော့ ခိုးမှုတွေက ပိုများလာတယ် ၊ ဒါကြောင့် ခိုးတဲ့သူတွေကို ပြစ်ဒဏ်ပေးပြီး ဓားလက်နက်နဲ့ သတ်တော့တယ် ၊ အဲ့ဒီအခါ ပိုဆိုးသွားတယ် ၊ ကျန်တဲ့ပြည်သူတွေကပါ သူများပစ္စည်းကို ခိုးရုံမက လုယက်သတ်ဖြတ်တာတွေ ပေါ်ပေါက်လာတယ် ၊ လောကကြီးမှာ ခိုးမှု ၊ သတ်မှုဆိုတဲ့ အဒိန္နဒါနနဲ့ပါဏာတိပါတ ဒုစရိုက်နှစ်ခုပေါ်ပေါက်လာတယ် ။

အဲ့ဒီဒုစရိုက်နှစ်ခုပေါ်ပေါက်လာပြီး နောက်ပိုင်း လူတွေရဲ့သက်တမ်းတွေ ရုပ်ရည်အဆင်းတွေ ဆုတ်ယုတ်သွားတယ် ၊ သူတို့ကမွေးလာတဲ့ သားသမီးတွေဟာ သက်တမ်းလေးသောင်းပဲ အသက်ရှည်ကြတော့တယ် ။

အဲ့ဒီအဒိန္နဒါနနဲ့ပါဏာတိပါတ က တိုးပွားလာပြီးတော့ ဘာထပ်ပေါ်လာသလဲဆိုရင် လိမ်ညာပြောတဲ့ မုသာဝါဒပေါ်လာပြန်တယ် ။ သက်တမ်းနဲ့အဆင်း ဆုတ်ယုတ်သွားပြန်တယ် ။ နောက်ထပ် ကုန်းချောစကားပြောတဲ့ ကိုယ့်ကိုချစ်ပြီး သူ့ကိုမုန်းအောင် ပြောတဲ့ ပိသုဏဝါစာ ပေါ်လာပြန်တယ် ၊ သက်တမ်း.အဆင်းဆုတ်ပြန်တယ် ၊ အဆင်းကွာတော့ လှပတဲ့သူတပါးသားမယားကိုဆော်ကားတဲ့ ကာမေသုမိစ္ဆာစာရ ပေါ်လာပြန်တယ် ။ နောက်ထပ် ကြမ်းတမ်းစွာပြောတဲ့ ဖရုသဝါစာ ၊ ပြိန်ဖျင်းအကျိုးမဲ့စကား သမ္ဖပ္ပလာပ ဒုစရိုက်နှစ်ပါး ထပ်ပေါ်လာတယ် ။ ထိုကတဆင့် သူတပါးစည်းစိမ်းဥစ္စာကို ရှေ့ရှုကြံစည်တဲ့ အဘိဇ္ဈာ ၊ သူတပါးကို ပျက်စီးဆုတ်ယုတ်စေလိုတဲ့ ဗျာပါဒ တရားဆိုးတွေ လောကကြီးမှာ ပေါ်ပေါက်ခဲ့ပြန်တယ် ၊ ထိုအချိန် သက်တမ်းက တစ်ထောင်ထိ ဆုတ်ယုတ်ခဲ့ပြီ ၊ အဲ့ဒီအချိန်မှာ မှားယွင်းတဲ့အယူဝါဒအမျိုးမျိုးဖြစ်တဲ့ မိစ္ဆာဒိဋ္ဌိ အကုသိုလ်ပေါ်ပေါက်လာပြန်တယ် ။ ဒုစရိုက်ဆယ်ပါးလုံး လောကကြီးမှာ စုံပြီ သက်တမ်းတွေ အဆင်းတွေလည်း ဆုတ်ယုတ်ပျက်စီးခြင်းမလှ ဆုတ်ယုတ်ပျက်စီးကုန်ကြပြီ ။

( ဒီလိုအချိန်မျိုး ဦးဇင်းတို့ဘုရားက ပွင့်လာလို့ အခုကခံသာနေတာ သိပ်မဆုတ်ယုတ်သေးတာ ဘုရားမပွင့်ဘူးဆိုရင် အသက်တမ်းတွေ ရုပ်ရည်အဆင်းတွေ ပိုဆိုးပြီး ဆုတ်ယုတ်နေပြီ အခုကိုကြည့် အတော်ကြီး ဆုတ်ယုတ်နေပြီ)

  အဲ့ဒီကနေ ဘာထပ်ပေါ်လာသလဲဆိုရင် တရားသုံးပါး ထွန်းကားလာတယ် ၊
၁ ။ အဓမ္မရာဂ = အမေ အဒေါ် အစ်မ ညီမ သမီးတို့အပေါ်၌ တပ်မက်ခြင်းရာဂ ၊
၂ ။ ဝိသမလောဘ = အလွန်အားကြီးပြင်းထန် မခံစားသင့်သောအရာတို့၌ လိုချင်တပ်မက်ခြင်းလောဘ ၊
၃ ။ မိစ္ဆာဓမ္မ = မှားယွင်းဖောက်ပြန်သော ယောက်ျားအချင်းချင်း မိန်းမအချင်းချင်း တပ်မက်နှစ်သက်ခြင်း ဆိုတဲ့ တရားဆိုးသုံးပါးပေါ်ပေါက်လာတယ် ၊ ထိုအခါ အမိ၌ပြုသင့်ပြုထိုက်သော ကျင့်ဝတ်တရားတွေကိုလည်း မပြုကြတော့ဘူး ၊ မလုပ်ကျွေး.မပြုစု.မရိုသေကြတော့ဘူး ၊ အဖ၌ ပြုသင့်ပြုထိုက်သော ကျင့်ဝတ်တရားတွေကိုလည်း မပြုကြတော့ဘူး ၊ ရဟန်းသူတော်စင် သူတော်မြတ်တို့၌ ထို့အတူ မပြုကြတော့ဘူး ၊ လူကြီးသူမတွေကိုလည်း ရိုသေးခြင်းမရှိကြတော့ဘူး ။ ထိုအချိန်၌ သက်တမ်းဟာ ဆယ်နှစ်ထိအောင် ဆုတ်ယုတ်ပြီး လောကကြီးမှာလဲ ကောင်းတယ်ဆိုသည့် အရာမှန်သမျှလည်း ပျောက်ကွယ်ကုန်ပြီးတော့ လူတွေဟာ ဆိတ်.သိုး.ကြက်.ဝက်.ခွေး.မြေခွေးတို့ကဲ့သို့ လောကကြီးသည် ရောယှက်ရှုပ်ထွေး စည်းကမ်းပျက်ခြင်းသို့ ရောက်သွားလိမ့်မည် ။ သားနှင့်အမိ မောင်နှင့်နှမ ဆွေးမျိုးပေါက်ဖော် စသည်သဘောမထား လူအချင်းချင်း သတ်ဖြတ်လိုစိတ်.မုန်းတီးစိတ်.ပြင်းထန်းပြီး ရရာလက်နက်ဖြင့် အချင်းချင်း သတ်ဖြတ်ကြတဲ့ သတ္ထန္တရကပ်ဆိုက်ရောက်ကာ လောကကြီး ပျက်စီးသွားပါလိမ့်မယ် ။

အဲ့ဒီလို သတ္ထန္တရကပ် ဆိုက်သည့်အခါ အချို့သူတော်ကောင်းစိတ် လက်ကျန်ရှိတဲ့သူတွေက လွတ်ရာရှောင်ပြေးကာ ပုန်းနေကြလိမ့်မယ် ။ ထိုကပ်ကြီး ခုနစ်ရက်ဆိုက်ပြီး အားလုံးသေကုန်ကြတဲ့အခါ ပုန်းနေကြတဲ့သူတွေပဲ ကျန်ခဲ့မယ် ၊ သူတို့တွေက ကပ်ကြီးကလွတ်ပြီး အချင်းချင်း သက်ရှိအချင်းချင်း ပြန်တွေ့ရလို့ ဝမ်းမြောက်ဝမ်းသာတွေဖြစ်ပြီး ကပ်ကြီးရဲ့အနိဋ္ဌာရုံကို မြင်ရလို့ ငါတို့တွေ ပါဏာတိပါတက ရှောင်ကြစို့ ၊ ကောင်းတာတွေပဲ ကြိုးစားပြုကြစို့လို့ တိုင်ပင်းပြီး ရှောင်ကြဉ်ကြတဲ့အခါ လောကကြီးမှာ သုစရိုက်တစ်ပါးပေါ်ပေါက်လာတယ် ၊ သူတို့ကမွေးတဲ့သားသမီးတွေကျတော့ သက်တမ်းနှစ်ဆယ် ပြန်တက်သွားတယ် ၊ အသက်.အဆင်း ပြန်တက်ပြီပေါ့ ၊ အဲ့ဒီကနေ အဆင့်ဆင့် ဒုစရိုက်မှုတွေ ရှောင်ရှောင်လာပြီး သုစရိုက်ဆယ်ပါးစုံသွားတဲ့အခါ လူတွေရဲ့သက်တမ်းဟာလည်း ရှစ်သောင်းတမ်းထိတက်သွားတယ် ၊ သီလတွေကောင်းလို့ ရောဂါဆိုလို့ တပ်မက်ခြင်း ၊ ဆာလောင်ခြင်း ၊ အိုခြင်း သုံးမျိုးပဲ ရှိတော့တယ် ၊ အစာရေစာ ပေါများ ရတနာမျိုးစုံစုပုံ လောကကြီးဟာလည်း သိပ်ကို သာယာစည်ကားငြိမ်းချမ်းသွားတယ် ၊ (ပလောကသုတ်မှာလည်း ပုဏ္ဏားအမေးကို ဘုရားရှင်က ဤအတိုင်းပင် ဖြေခဲ့ပါတယ်)

ဤသုတ်တော်များကို ထောက်ရှုပြီးတော့ ယခုခေတ် လိင်တူချစ်သူကိစ္စတွေ တွင်ကျယ်ခေတ်စားလာခြင်းသည် ကောင်း၏. မကောင်း၏ ဆင်ခြင်သိနိုင်ကြပါတယ် ။ မြတ်စွာဘုရားရှင်ရဲ့ တရားတော်တိုင်းဟာ ပရမတ္ထဒေသနာ အဘိဓမ္မာအမြင်နဲ့ချည်း ကြည့်လို့မရပါဘူး ၊  ဝေါဟာရတ္ထဒေသနာခေါ်တဲ့ သုတ္တန် ဝိနည်းဒေသနာတွေကို လောကလူအများ ပညတ်သမုတ်ခေါ်ဝေါ်ခြင်းအားဖြင့် ဟောကြားတော်မူခဲ့ရတာတွေလည်း ရှိပါတယ် ၊ ဘာလို့လဲ ဒါတွေက မမှန်ဘူးလား မှန်တာပါပဲ လောကကြီးမှာ နေထိုင်အသက်ရှင်နေကြသည် ဖြစ်သောကြောင့် လောကလူအများ သတ်မှတ်ချက်များသည်လည်း အမှန်တရားများပင် ဖြစ်ပါတယ် ၊ သစ္စာအားဖြင့်ဆိုက သမ္မုတိသစ္စာလို့ ခေါ်တာပေါ့ ၊ နေရာတကာ သူမဟုတ် ငါမဟုတ် နာမ်နဲ့ရုပ်ချည်းပဲ လုပ်နေရင် အမေဆိုတာ မရှိတော့ဘူး ၊ အဖေဆိုတာ မရှိတော့ဘူး ၊ အမေ့ကျေးဇူး မရှိတော့ဘူး ၊ အဖေ့ကျေးဇူး မရှိတော့ဘူး ၊ ရဟန်း ၊ သူတော်စင်မရှိတော့ဘူး ၊ ဒါန သီလ မရှိတော့ဘူး ။

လောကကျင့်ဝတ်အလိုက် ဟိရီသြတ္တပ္ပတရား ထားသင့်သည့်နေရာ ထားကြရမယ် ၊ ရှောင်ကြဉ်သင့်သောအမှုကို ရှောင်ကြဉ်ကြရမယ် ၊ စောင့်စည်းသင့်သောအမှုကို စောင့်စည်းကြရမယ် ၊ ရှက်သင့်သောကိစ္စ ရှက်ရမယ် ၊ ကြောက်သင့်သောကိစ္စ ကြောက်ကြရမယ် ၊ ပညတ်သမ္မုတိကို လောကီနယ်အတွင်း နေနေသမျှ ပယ်ရှား၍မရပါဘူး ၊ တရားကို တကယ်ကြီး လွတ်အောင်ကျွတ်အောင် အားထုတ်မှသာ ရုပ်နမ်အမြင် နာမရူပပရိစ္ဆေဒဉာဏ်ကို အသုံးချရတာ ဖြစ်ပါတယ် ၊ မကောင်းမှုပြုရန်အတွက် တလွဲအသုံးချကြဖို့ မဟုတ်ပါဘူး ။

အဓိပ္ပါယ်မရှိသော ကိစ္စများကို လိုက်နာစောင့်ထိန်းဖို့မလိုပေမဲ့ လောကသင်္ကေတနိမ္မိတာ = လောကအတွင်း ရှေးပညာရှိ သူတော်ကောင်းအဆက်ဆက် သမုတ်ပညတ်ထားတဲ့ လူ့ယဉ်ကျေးမှု လူ့စည်းကမ်း လူ့ဥပဒေ လောကဥပဒေ သီလတရားတွေကို ဘုရားရှင်လည်း မပစ်ပယ်ခဲ့သလို့ ဟိရီသြတ္တပ္ပရှိကြတဲ့ သူတော်ကောင်းမှန်သမျှသည်လည်း လိုက်နာကြရမှာပါ ။ ဆုတ်ကပ်ခေတ်ဖြစ်လာတာနှင့်အမျှ စက္ကဝတ္တိသုတ်တော်ဒေသနာအရ လူတွေရဲ့ ကိုယ်ကျင့်တရားတွေ သုစရိုက်တရားတွေ သီလတရားတွေဟာ ဆုတ်ယုတ်မှုတွေ သိပ်ကို များလာကြတယ် ၊ မကောင်းမှုက်ိုပင် မကောင်းမှုလို့ သိပ်မထင်ကြ ၊ ကောင်းမှုကိုပင် မကောင်းမှုရယ်လို့လည်း ထင်မြင်တတ်ကြတယ် ၊ ကောင်းတာလုပ်သူကို ကဲ့ရဲ့ကြပြီး မကောင်းမှုလုပ်တဲ့သူကိုပင် သူတော်ကောင်းကဲ့သို့ ပူဇော်ကြ သူရဲကောင်းကဲ့သို့ ထင်မြင်တတ်ကြပါတယ် ၊ ဒါဟာ ဘုရားဟောသည့်အထဲမှာလည်း ထိုအတိုင်းပင် အတိအကျ ဖော်ပြထားပါတယ် ၊ ဒီမှာ စာရှည်မှာစိုးလို့ သုတ်အကုန်လုံးကို မဖော်ပြခြင်းပါ ။ ဒါကြောင့် မိစ္ဆာဓမ္မတွေ ထွန်းကားလာခြင်းဟာ လောကကြီးအတွက် ကောင်းမွန်တဲ့လက္ခဏာတော့ မဟုတ်ပါဘူးဆိုတာကို သုတ်ပါထေယျပါဠိတော် စက္ကဝတ္တိသုတ် ၊ အဂုင်္တ္တိုရ် တိကနိပါတ်ပါဠိတော် ပလောကသုတ် တို့ကို ထောက်ရှု၍ တင်ပြလိုက်ပါရတယ် ။

သူတော်ကောင်းတရားများ ထွန်းကားပါစေသတည်း...

ရေးသားသူ - Ashin Pyinnyartharmi
                 အရှင်​ပညာသာမိ